Тэхнічныя памочнікі для ўрача

Ва ўстанове аховы здароўя “Шчучынская ЦРБ” вялікая ўвага ўдзяляецца ўмацаванню матэрыяльна-тэхнічнай базы гарадскіх і сельскіх медустаноў. Вось і нядаўна тут набылі два дэфібрылятары і столькі ж кардыёграфаў.

Як расказала намеснік галоўнага ўрача ЦРБ Людміла Мар’янаўна Чэхунова, усе гэтыя медыцынскія апараты беларускай вытворчасці. Дарэчы, хутка ва ўрачоў з’явяцца і іншыя тэхнічныя памочнікі – тэндары ўжо праводзяцца.
Адзін з дэфібры­лятараў цяпер на службе ў дзіцячай паліклініцы, а другі – «у штаце» аддзялення хуткай дапамогі. Прыборы зручныя ў абыходжанні, да таго ж умеюць «размаўляць» – маюць функцыю галасавых паведамленняў. Па словах загадчыка аддзялення хуткай дапамогі А.І. Вознага, іх «навічок» ужо на справе пацвердзіў сваю якасць і «прафпрыгоднасць». 
– Гэты апарат незаменны ў экстранных выпадках, калі ў пацыента ўзнікаюць сур’ёзныя праблемы з сэрцам і дарагая кожная секунда. “Запусціць» галоўны «матор» ці аднавіць сардэчны рытм якраз дапамагае дэфібрылятар, – тлумачыць Аляксандр Іванавіч. 
Урач «хуткай» Юлія Аляксандраўна Ляшчынская яшчэ толькі ў пачатку прафесійнага шляху, тым не менш пацвярджае: ратавальныя функцыі дэфібрылятара за час працы на “хуткай” ужо бачыла... Не паспела яна дагаварыць, як паступіла каманда на экстраны выезд, і “хуткая” на борце з маладым спецыялістам і новым прыборам сарвалася з месца...
У кардыёграфа таксама, так бы мовіць, сардэчнае прызначэнне: ён дапамагае ў абследаванні сэрца і сасудаў, а яго «прадукт» – добра знаёмая ўсім кардыяграма. Зігзагі, якія для хворага – кітайская грамата, вопытны ўрач расшыфруе, ледзь глянуўшы. Пры парушэннях у рабоце сэрца прызначыць лячэнне, а значыць, пацыенту ўдасца пазбегнуць сур’ёзных праблем са здароўем. Дарэчы, па словах Л.М. Чэхуновай, адзін з набытых ЦРБ кардыёграфаў – кампактны і партатыўны – мяркуецца перадаць у Жалудоцкую бальніцу, другі таксама не застанецца ва ўпакоўцы.
Чытайце таксама: 
Дзіцячы свет – асобная дзяржава
В аптеках – осенний букет скидок
Хоць бы дзянёк не сядайце за руль!
Таццяна ПАЛУБЯТКА. Фота аўтара.

Голосов пока нет

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)