Шчучынаграпрадукт

На палях нашага раёна ўборка ўраджаю ідзе поўным ходам не зважаючы нават на не самыя лёгкія ўмовы надвор’я. Зараз павышаная ўвага надаецца азімаму рапсу, яго збіраюць з палёў у ААТ “Шчучынаграпрадукт”. Мясцовыя аграрыі лічаць што сёлетні ўраджай гэтай культуры будзе большым за вынік мінулага года.

У ААТ “Шчучынаграпрадукт” актыўна развіваюць жывёлагадоўлю, у тым ліку свінаводства. Тут на свінагадоўчым комплексе “Ельня” ўтрымліваецца 11 тысяч свіней мясных парод ландрас і ёркшыр. Штомесяц гаспадарка рэалізуе прыкладна 1400 галоў, з якіх палову здае на Гродзенскі мясакамбінат, а астатнія пастаўляюцца ва ўласны мясаперапрацоўчы цэх.