Вадзіцель ААТ “Орля” А.Ю. Масталавіца першым у раёне перавёз тысячу тон зерня новага ўраджаю. Нягледзячы на тое, што для Аляксандра Юльянавіча гэта далёка не першая ўборачная кампанія, ён па-ранейшаму ўлюбёны ў сваю прафесію.

Кожны дзень, перад тым як прыступіць да ўборкі хлебнай нівы, патомны механізатар ААТ “Васілішкі” Юрый Іосіфавіч Жолік успамінае добрую бацькаву традыцыю: зрывае залаты колас, расцірае яго ў магутных далонях і спрабуе на смак зерне новага ўраджаю. Гэтага вопытнаму хлебаробу дастаткова, каб вызначыць, ці гатова збожжа да абмалочвання.

У гэтыя гарачыя жніўныя дзянькі старшыня раённай арганізацыі прафсаюза работнікаў аграпрамысловага комплексу Генрых Феліксавіч Шандроха наведаў гаспадаркі Шчучыншчыны, каб уручыць заслужаныя ўзнагароды механізатарам, якія сёлета вызначыліся на нарыхтоўцы кармоў з траў першага ўкосу.

Прафсаюзны лідар аграрыяў раёна заехаў у ААТ “Дэмбрава”, дзе ўшанаваў перадавога трактарыста І.І. Кулевіча.

З кожным днём уборка азімага рапсу ў нашым раёне набірае абароты. У ААТ “Дэмбрава” яна ўвогуле пераваліла за экватар: сёлета ў гаспадарцы пасевы гэтай маслічнай культуры займаюць 700 гектараў, з якіх больш за 50% ужо абмалочаны.

Днямі сюды прама з завода прыбыў новенькі самазвал МАЗ-4570 грузапад’ёмнасцю 4,5 тоны.

Аграрыі саўгаса “Вялікае Мажэйкава” першымі ў раёне прыступілі да ўборкі зерневых культур. Калі мы прыехалі на поле ля мехмайстэрні, дзе на плошчы 75 гектараў раскінуліся пасевы азімага ячменю, тут няспынна працавалі тры зернеўборачныя камбайны. За імі ішлі трактары з прычапнымі граблямі, якія раскідвалі салому. Падсушаную, яе падбіралі прэс-падборшчыкі і скручвалі ў цюкі, абмотваючы іх спецыяльнай сеткай.

Распачаць жніво і намалаціць першыя цэнтнеры зерня новага ўраджаю даверылі вопытнаму механізатару Пятру Янавічу Арлукевічу, для якога гэта ўжо 41 уборачная кампанія.

Пасля доўгага безвітаміннага зімова-вясновага перапынку так і хочацца паспрабаваць першую духмяную сунічку і хутчэй паласавацца сакавітымі чарэшнямі. Сёлета, на жаль, суніцы не далі багатага ўраджаю, а віною таму стала сухое надвор’е. А вось чарэшня, па ўсім відаць, будзе на славу. Задаволенымі застануцца не толькі руплівыя гаспадары, але і супрацоўнікі Гродзенскага занальнага інстытута раслінаводства, якія на сваім вытворчым участку займаюцца вырошчваннем самых розных садовых культур, сярод якіх чарэшня, суніцы, буякі, маліна і нават… кавуны. 

Калі мы завіталі ў ААТ “Дэмбрава” на поле ля вёскі Стараўшчына, то былі моцна ўражаны вялікай колькасцю тэхнікі, якая працавала тут на касавіцы. Энерганасычаны трактар з дзевяціметровай касілкай абкошваў травы, за ім рухаліся граблі і раскідвалі свежаскошаную траву, каб тая хутчэй падвялілася. Камбайны Ягуар і Палессе падбіралі даведзеную да неабходнай кандыцыі зялёную масу, змяльчалі яе і грузілі ў прычэпы трактароў. Вытворчы працэс не спыняўся ні на хвіліну і нагадваў адзіны арганізм. 

Яшчэ тры месяцы таму поле ля вёскі Якубавічы Астрынскага сельсавета было моцна забалочана і густа парасло хмызняком і пустазеллем. Аднак з прыходам сюды меліяратараў сітуацыя стала выпраўляцца ў лепшы бок, і ўжо восенню аграрыі ААТ “АграГЖС” змогуць уключыць гэтыя землі ў севазварот.

Днямі старшыня раённай арганізацыі прафсаюза работнікаў аграпрамысловага комплексу Генрых Феліксавіч Шандроха сумесна з галоўным спецыялістам аддзела раслінаводства і механізацыі райсельгасхарчу Ірынай Казіміраўнай Назаравай аб’ехалі гаспадаркі раёна, каб уручыць заслужаныя ўзнагароды перадавым сейбітам, якія вызначыліся працай падчас пасяўной кампаніі.