Пажыць у благаслаўлёных мясцінах Лаўрышава…

З такой незвычайнай прапановай звярнуліся да шчучынцаў навагрудчане 

Нядаўна супрацоўнікі Шчучынскага тэрытарыяльнага цэнтра сацыяльнага абслугоўвання насельніцтва раёна прымалі сваіх калег з Навагрудка, якія прапанавалі далучыцца да рэалізацыі праекта “Трэці ўзрост, трэцяя маладосць, трэцяе дыханне”. Яго мэта – рэабілітацыя пажылых людзей у сучасных умовах, раскрыццё патэнцыялу асобы, жаданне пераканаць, што жыць цікава, актыўна, насычана можна ў любым узросце і адчуваць пры гэтым сапраўдную радасць быцця.

 Як пацвярджэнне – навагрудчане запрашаюць пажылых шчучынцаў адправіцца ў невялікае падарожжа і пагасціць з тыдзень у вёсцы Лаўрышава. Там, у доме сумеснага пражывання, створаны ўсе бытавыя ўмовы. Побач знаходзіцца Свята-Елісееўскі Лаўрышаўскі манастыр, дзе можна наведваць набажэнствы, весці духоўныя гутаркі са святарамі і паслушнікамі, удзельнічаць у агульных трапезах, магчыма, аказваць манастыру пасільную дапамогу.
Акрамя таго, каардынатары гэтага неардынарнага сацыяльнага праекта абяцаюць арганізаваць цікавыя культурна-масавыя мерапрыемствы, сустрэчы з медыкамі і псіхолагам, экскурсіі па знакамітых мясцінах Навагрудчыны.
– Першая група жадаючых змяніць абстаноўку і адправіцца на пабыўку ў Лаўрышава ўжо сфарміравана. Гэта самыя актыўныя наведвальнікі нашага аддзялення дзённага знаходжання для грамадзян пажылога ўзросту, – гаворыць загадчыца аддзялення Анжэліна Расціславаўна Шпакоўская. – Наступнымі, верагодна, стануць мамы з дзецьмі-інвалідамі. А ўвогуле скарыстацца гасціннасцю навагрудчан і паўдзельнічаць у праекце можа кожны зацікаўлены прадстаўнік “залатога ўзросту”. Калі ў вас адкрылася тое самае “трэцяе дыханне” і вы гатовы адправіцца ў вандроўку, тэлефануйце па нумары 26-4-42.
Дарэчы, цікаўнасць да праекта ўжо праявілі раённы савет ветэранаў і энтузіясты з клуба “Лад”. Сапраўды, чаму б не выкарыстаць такую ўнікальную магчымасць і пагасціць там, дзе вам рады?

Варта пачытацьК святыне – с поклоном и молитвой
                             Гукі аргана льюцца праз стагоддзі
                             Ад берасцяных грамат да сучасных кніг
Таццяна СТУПАКЕВІЧ.

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Fill in the blank.