“Дзянніцы” – Зялёная вуліца!

У Шчучыне ў раённым вузле паштовай сувязі прайшоў Дзень падпісчыка. На “раёнку” падпісалася 40 адданых чытачоў.
Для адных “Дзянніца” – асноўная крыніца раённай інфармацыі, для другіх – адкрыты мікрафон для віншаванняў блізкіх і родных людзей, для трэціх – верны і надзейны сябра. Вось і атрымліваецца, што нягледзячы на вялікую колькасць разнастайных выданняў, “раёнка” была і застаецца адной з самых любімых газет шчучынцаў. Кожны знаходзіць на старонках “Дзянніцы” штосьці сваё, і мы, журналісты, заўсёды гэтаму рады. 
Падчас Дня падпісчыка, як заўсёды, у добрай справе нам дапамагалі супрацоўнікі раённага вузла паштовай сувязі: спецыяліст па продажы Гражына Генадзьеўна Васюк і інструктар па падпісцы Святлана Іванаўна Зубік.
Дзяўчаты жвава афармлялі падпіску, дарылі цікавыя часопісы, прапаноўвалі прысутным прыняць удзел у дабрачыннай акцыі – аформіць падпіску на любое выданне для хлопчыкаў і дзяўчынак, якія знаходзяцца ў Васілішкаўскім доме-інтэрнаце для дзяцей-інвалідаў з асаблівасцямі псіха­фізічнага развіцця. Кожнае дзіця, незалежна ад жыццёвай сітуацыі, павінна мець магчымасць вучыцца, развівацца і пашыраць свой кругагляд. Я і сама не ўтрымалася і прыняла ўдзел у акцыі, падарыла радасць і ўвагу таму, хто мае ў гэтым патрэбу. Вы таксама можаце далучыцца да добрай справы. Патраціўшы ўсяго некалькі рублёў, мы можам зрабіць так, каб кожнае дзіця паверыла ў добрых чараўнікоў. Пераканана, што варта скарыстацца такім шанцам. 


Тым часам Дзень падпісчыка набіраў абароты. Мы сустрэліся ажно з некалькімі дзясяткамі нашых чытачоў. Усё больш гаварылі пра надзённыя праблемы гараджан і вяскоўцаў, дзяліліся апошнімі навінамі. Прыемна было пачуць шмат добрых слоў у адрас нашых журналістаў і нашай газеты. А яшчэ прыемна было сустрэцца з нашымі пастаяннымі чытачамі, якія не прапускаюць ніводнага Дня падпісчыка! 
На гэты раз газету актыўна выпісвалі жыхары з вуліц Астроўскага, Гастэлы, Заводскай, Пушкіна, Кірава. Але больш за ўсё прыйшло чытачоў з Зялёнай! 
У Дзень падпісчыка Л.П. Вількевіч, А.І. Лазовік, Я.А. Марціноўская, Р.С. Гайдук і многія іншыя шчучынцы, якія аформілі падпіску на “Дзянніцу”, атрымалі прыемная падарункі ад рэдакцыі нашай раённай газеты. 
Дзякуй, паважаныя, за тое, што вы заўсёды з намі! Мы і далей абяцаем радаваць цікавымі навінамі і змястоўнымі матэрыяламі. 
Варта пачытаць:
 
Ні дня без навін
 Подписались и выиграли: «Дзянніца» дарит подарки!
 У Шчучыне прайшоў Дзень падпісчыка
Ганна КАСПЕР. Фота аўтара.

Голосов пока нет

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)