Са святам, храм!

Храмавае свята ў дзень услаўлення Архангела Міхаіла адзначылі ў Шчучыне.

21 лістапада, у дзень памяці Святога Архістраціга Божага Міхаіла, традыцыйнае саборнае богаслужэнне благачыння прайшло ў Свята-Міхайлаўскім храме Шчучына.

Кожнаму, хто ў гэты 152-гі Дзень нараджэння святыні пераступіў парог царквы, безумоўна, прыемна было бачыць урачысты настрой малітвы. Падзяліць радасць агульнай Літургіі з прыхаджанамі сабраліся святары з храмаў Шчучынскага благачыння. Узначаліў богаслужэнне благачынны акругі святар Аляксандр Пасцерняк. Настаяцель храма Пакрова Прасвятой Багародзіцы аграгарадка Орля іерэй Ігар Марчык звярнуўся са словам пропаведзі да ўсіх прысутных.


Па традыцыі ў чарговы раз павіншаваць са святам настаяцеля і прыхаджан царквы прыйшлі пробашч парафіі святой Тэрэзы Авільскай у Шчучыне айцец Вітольд Пяцельчыц і пробашч касцёла Унебаўзяцця Найсвяцейшай Панны Марыі г.п. Жалудок айцец Ян Рэйшаль. 
У завяршэнні малітвы вернікі са святарамі прайшлі звыклым Хрэсным Ходам вакол царквы, просячы ласкі Божай і звяртаючыся да святога Архангела Міхаіла.
Іерэй Сергій СЯМАШКА, святар храма Святога Архангела Міхаіла г. Шчучына.
Фота аўтара.

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)