Малюнак з агеньчыкам. У Палацы творчасці працуюць новыя выставы

Традыцыйна ў студзеньскія дні, калі адзначаецца Дзень выратавальніка, пачынае працаваць раённая выстава дзіцячых творчых работ “Выратавальнікі вачыма дзяцей”.

Не стаў выключэннем і гэты год. На другім паверсе Шчучынскага палаца творчасці дзяцей і моладзі зноў прадстаўлены малюнкі і арыгінальныя паробкі на “пажарную” тэму, выкананыя рукамі рабят. 
– Хачу падкрэсліць, што гэта не толькі выстава, а творчы конкурс, у якім удзельнічаюць работы вучняў усіх устаноў адукацыі нашага раёна, – гаворыць інспектар інспекцыі нагляду і прафілактыкі Шчучынскага РАНС Дзмітрый Юр’евіч Пракаповіч. – У кожнай з намінацый будуць адабраны лепшыя работы, якія прадставяць наш раён на абласным этапе рэспубліканскага конкурсу.
А з панядзелка педагогі і выхаванцы Палаца творчасці запрашаюць на фотавыставу “Зімовая казка”, якая размесціцца ў фае і будзе дзейнічаць да 31 студзеня. Арыгінальныя фотаздымкі прыгожых зімовых пейзажаў і не толькі прадставяць члены гуртка “Свет вакол нас”, якім кіруе педагог дадатковай адукацыі Людміла Мікалаеўна Немна. 
Ганна РУДСКАЯ.
Фота аўтара. 

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)