Цаглінка да цаглінкі – будзе храм

Кожны чалавек можа стаць удзельнікам будаўніцтва храма Богаяўлення ў Шчучыне

“Гэта – на цагліну для храма”, – прамовіла маладая асоба, падаўшы грошы царкоўнаму касіру Алене Міхайлаўне Рымко. Заўважыўшы мой зацікаўлены позірк, апошняя патлумачыла: “Кожны чалавек можа паўдзельнічаць у будаўніцтве нашага храма, купіўшы імянную цагліну”.

Як вядома, будаўніцтва новай праваслаўнай царквы па вуліцы Пушкіна было распачата ў 2008 годзе. У кастрычніку 2014-га архіепіскап Гродзенскі і Ваўкавыскі Арцемій асвяціў ніжнюю частку храма, дзе цяпер і праходзяць богаслужэнні, а таксама заняткі ў нядзельнай школе. З Божай дапамогай і пры падтрымцы нераўнадушных людзей атрымалася сабраць сродкі на набыццё чарговай партыі будаўнічых матэрыялаў, і нядаўна добрая справа знайшла працяг. Над цокальным паверхам ужо з’явілася “свежая” сцяна. 
– Унесці пасільны ўклад ва ўзвядзенне храма Богаяўлення можа кожны жадаючы, ахвяраваўшы на імянную цагліну невялікую суму, – расказвае Благачынны Шчучынскай акругі іерэй Аляксандр Пасцерняк. – Пры гэтым прыхаджанін ці любы жыхар нашага горада, раёна, увогуле прыезджы, называе канкрэтнае імя – сваё, свайго роднага ці блізкага чалавека, і яно заносіцца ў царкоўную кнігу, а таксама ў спецыяльнае пасведчанне, якое перадаецца таму, хто ахвяруе грошы. Пазней гэта імя будзе напісана на цагліне, укладзенай у сцяну храма. Можна ўказваць і імя чалавека, які ўжо завяршыў свой зямны шлях, бо ў Бога ўсе жывыя, а наша малітва для спачылых мае асаблівую каштоўнасць. 
Хочацца напомніць мудрыя словы Іаанна Кранштацкага: “Калі на вашу долю выпаў гонар будаваць Дом Божы, прыміце гэта як вялікі дар Творцы, бо дзясніца Гасподняя закранае таго, хто будуе храмы, і многія грахі даруе таму Гасподзь”.
Дарэчы, зрабіць ахвяраванні на добрую справу могуць не толькі праваслаўныя вернікі.
Таццяна ПАЛУБЯТКА. Фота аўтара.

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)