Работнікі РУП ЖКГ прынялі ўдзел у раённым суботніку

Гэта добра ведаюць работнікі РУП ЖКГ, таму масава выйшлі на раённы суботнік. Камунальнікі ўбіраюць вуліцы і двары, падмятаюць тратуары і аўтамабільныя стаянкі, вывозяць сухое лісце і смецце. Прычым наводзяць парадак не толькі ў самім Шчучыне, але і за межамі горада. 
Калі мы прыехалі на тэрыторыю ачышчыльных збудаванняў РУП ЖКГ, якія размяшчаюцца на ўскрайку лесу ля трасы М6, тут ва ўсю кіпела работа: жанчыны – спецыялісты лабараторый – з граблямі і венікамі ў руках збіралі ў кучы мінулагодняе лісце і сухое галлё, а мужчыны грузілі смецце ў кузаў грузавіка і вывозілі. Літаральна праз гадзіну прылеглая да вытворчага аб’екта тэррыторыя была прыбрана.
– Ачышчыльныя збудаванні з усіх бакоў акружаны лесам, – гаворыць лабарант з дзесяцігадовым стажам Святлана Браніславаўна Новік. – Каб тут заўсёды быў парадак, рэгулярна арганізоўваем суботнікі. Пад’яздную дарогу і ўвогуле падмятаем кожны тыдзень. Зразумела, самую цяжкую работу бяруць на сябе мужчыны, за што ім вялікі дзякуй! Разам нам удаецца падтрымліваць чысціню на нашым вытворчым аб’екце.
Аляксандр КАСПЯРЧУК.
Фота аўтара. 

 
Подписывайтесь на нас в Яндекс.Дзен, Telegram и Viber!