Пратасаўшчына

“Глыбокае” – самая перадавая малочнатаварная ферма ў СВУ “Пратасаўшчына”: летась тут ад кожнай рагулі атрымалі 9805 кілаграмаў малака, што на 75 кілаграмаў больш, чым у 2020 годзе. Сёлета мясцовыя жывёлаводы плануюць павялічыць гэты паказчык да 10000 кілаграмаў.

Бягучы год выдаўся даволі няпростым, аднак аграрыі СВУ “Пратасаўшчына” не толькі выконваюць усе прагнозныя паказчыкі, але і развіваюць эканамічны патэнцыял сельгаспрадпрыемства: запусцілі ў эксплуатацыю новую лінію па перапрацоўцы алейных культур і сучасны зернесушыльны комплекс, якія кампактна размясціліся на тэрыторыі зернясклада.