Напярэдадні Дня вызвалення Шчучыншчыны ад нямецка-фашысцкіх захопнікаў работнікі райвыканкама выехалі ў традыцыйны велапрабег.

Сёлета ён праходзіў па тэрыторыі Орлеўскага сельсавета. Ля дома паляўнічага ў Зачэпічах да ўдзельнікаў патрыятычнай акцыі звярнуўся старшыня Шчучынскага райвыканкама Сяргей Васільевіч Ложэчнік:

-- Месца правядзення нашага велапрабега мы выбралі не выпадкова. Орлеўская зямля – гэта партызанскі край, на тэрыторыі якога ў гады Вялікай Айчыннай вайны дзейнічаў атрад народных мсціўцаў “Арлянскі”. Барацьба з ворагам яшчэ больш узмацнілася пасля стварэння Шчучынскага  міжраённага партыйнага цэнтра, які ўзначаліў Сцяпан Пятровіч Шупеня. Кожны з нас, знаходзячыся на гэтым месцы, адчувае сувязь са слаўным пакаленнем нашых бацькоў і дзедаў, якія адстаялі незалежнасць нашай Радзімы і падарылі нам магчымасць жыць пад мірным небам. Іх подзвіг ніколі не будзе забыты!

І вось веласіпедысты асядлалі сваіх жалезных коней і накіраваліся ў падарожжа. Удзельнікі патрыятычнай акцыі спыніліся на могілках ля брацкай магілы, дзе пахаваны некалькі дзясяткаў партызан. У знак глыбокай памяці аб загінуўшых героях яны ўсклалі да помніка кветкі.

Далейшы маршрут велапрабегу пралягаў па экалагічнай трапе, падчас пераадольвання якой веласіпедысты атрымалі шмат яскравых эмоцый.

Аляксандр КАСПЯРЧУК.

Фота аўтара.

 

 

 

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Fill in the blank.