У мінулым годзе ў Шчучынскім раёне выкананы асноўныя паказчыкі сацыяльна-эканамічнага развіцця

Аб гэтым праінфармаваў намеснік старшыні райвыканкама Міхаіл Сушчэўскі на сумесным пасяджэнні райвыканкама і сесіі раённага Савета дэпутатаў.

За мінулы год тэмп росту намінальнай сярэднямесячнай заработнай платы склаў 121,5% пры заданні 112,4%. Інвестыцыі ў асноўны капітал склалі 125,4%, або 183,7 млн рублёў, пры даведзеным заданні 106,3%. Сукупныя паступленні даходаў у бюджэт Шчучынскага раёна склалі 123,1% пры прагнозе на год 107,2%. Выкананы паказчык па зніжэнні ўзроўню затрат на вытворчасць і рэалізацыю прадукцыі.

Дасягнуты патрабаваныя значэнні па індэксе фізічнага аб'ёму вытворчасці прамысловай прадукцыі, рознічным тавараабароце і грузаабароце. За кошт стварэння новых вытворчасцей і прадпрыемстваў працаўладкаваны 30 чалавек.

Абарот знешняга гандлю таварамі за 2024 год склаў 108,9 млн долараў ЗША, што на 8,3% вышэй за ўзровень мінулага года. На экспарт рэалізавана прадукцыі на суму 61,4 млн долараў ЗША, тэмп росту – 104,4%. Прадукцыя экспартавалася на рынкі 26 краін свету. Забяспечана ўстойлівае станоўчае сальда знешняга гандлю ў суме 13,9 млн долараў ЗША.

Па выніках работы за год выручка ад рэалізацыі прадукцыі склала 1178 млн рублёў, атрыманы чысты прыбытак у памеры 111 млн рублёў. Узровень рэнтабельнасці рэалізаванай прадукцыі – 16,1% супраць 11,6% у мінулым годзе. Усе прадпрыемства раёна спрацавалі з чыстым прыбыткам.

“Дзянніца”.