Сёння дырэктар Шчучынскага філіяла дзяржаўнага прадпрыемства “Гроднааблпаліва” Аляксей Шугля адзначае 60-годдзе
Павіншавалі Аляксея Мікалаевіча з гэтым прыгожым юбілеем калектыў прадпрыемства і намеснік старшыні Шчучынскага райвыканкама Міхаіл Сушчэўскі.
Звяртаючыся з віншаваннямі да дырэктара прадпрыемства, Міхаіл Сушчэўскі заўважыў:
– Ваша арганізацыя хоць і маленькая, але вельмі стабільная, паказвае высокія вынікі працы. Работнікі маюць добры заробак і ў гэтым вялікая заслуга кіраўніка, які працуе тут ужо не адзін год. Паважаны Аляксей Мікалаевіч, дзякуй за тое, чаго Вы дасягнулі са сваім маленькім, але згуртаваным калектывам. Дазвольце павіншаваць Вас з прыгожым юбілеем, пажадаць у першую чаргу, вядома, здароўя, поспеху ў жыцці і працы.
Аляксей Шугля кіруе Шчучынскім філіялам ДП “Гроднааблпаліва” з 2008 года. На працягу гэтага часу прадпрыемства дасягнула высокіх паказчыкаў і з’яўляецца годным прадстаўніком галіны палівазабеспячэння нашай вобласці, робячы важны ўнёсак у сацыяльна-эканамічнае развіццё Шчучынскага раёна. Безумоўна, у гэтым ёсць вялікая заслуга дырэктара.
Алег ШЫШЛОЎСКІ.
Фота аўтара.