Работнікі камунальнай службы пачалі аднаўляць пешаходныя пераходы ў Шчучыне

 

 

Спачатку нанеслі неабходную разметку на цэнтральных вуліцах горада і паступова набліжаюцца да перыферыі.

 

– Паколькі аўтамабільны рух у райцэнтры даволі інтэнсіўны, мы два разы на год аднаўляем тут пешаходныя пераходы, – зазначае дарожны рабочы РУП ЖКГ Яўгеній Тадэвушавіч Цайко. – Зносастойкую фарбу наносім у два слаі, як таго патрабуюць тэхналогіі. Затым пасыпаем спецыяльным парашком, гранулы якога прыліпаюць да дарогі і адбіваюць святло фар. Таму нанесеныя лініі будуць добра бачны вадзіцелям і пешаходам нават ноччу.

 

 

У хуткім часе ў Шчучыне будзе адноўлена і іншая дарожная разметка, што дазволіць павысіць бяспеку руху па гарадскіх вуліцах.

 

 

Аляксандр КАСПЯРЧУК.
Фота аўтара.

 
Подписывайтесь на нас в Telegram и Viber!