Дзень беларускага пісьменства разам з бібліятэкамі Шчучыншчыны

Свята да Дня беларускага пісьменства, арганізаванае Шчучынскай раённай бібліятэкай імя Цёткі,  прайшло з асаблівым размахам. Супрацоўнікі бібліятэкі падрыхтавалі для ўдзельнікаў знаёмства з цікавымі і захапляльнымі падзеямі, у цэнтры якіх была краязнаўчая станцыя «Шчучыншчына ў фокусе часу».

Падчас мерапрыемства для наведвальнікаў была арганізавана выстава ўнікальнай калекцыі лялек, якая выклікала настальгічныя эмоцыі, пагрузіла гасцей у свет дзіцячых успамінаў. Лялькі, якія адлюстроўвалі традыцыі і культуру беларускага народа, сталі не толькі аб'ектамі для разгляду, але і сапраўднымі героямі дзіцячых гісторый.

Літаратурны калейдаскоп «Свая зямля, свой шлях, свой лёс» прапанаванаў гасцям пазнаёміцца з творчасцю шчучынскіх аўтараў. Размовы пра кнігі, дэбаты і чытанні стварылі атмасферу інтэлектуальнага абмену, зацікавілі як дарослых, так і дзяцей.

Для самых маленькіх была арганізавана інтэрактыўная дзіцячая пляцоўка «Цудоўны свет кніг». Тут юныя чытачы мелі магчымасць не толькі паслухаць казкі, але і ўдзельнічаць у творчых занятках, дзе кожны мог выявіць свае таленты. Творчыя майстар-класы дапамаглі дзецям развіць свае здольнасці, а гульнявая зона, якая прадугледжвала цікавыя настольныя і рухомыя гульні, дазволіла знайсці новых сяброў.

Увогуле, Дзень беларускага пісьменства стаў сапраўдным святам культуры і творчасці, аб'яднаўшы людзей рознага ўзросту і прафесій вакол любові да кнігі. Удзельнікі пакінулі свята з добрым настроем і цёплымі ўражаннямі.

Таццяна КРАСІНСКАЯ, загадчык аддзела маркетынгу, сацыякультурнай дзейнасці і метадычнай работы