Шчучынскія баксёры вызначыліся ў Еўропе

У сталіцы Чэхіі Празе прайшоў Кубак Еўропы па кікбоксінгу. У гэтых прэстыжных міжнародных спаборніцтвах прынялі ўдзел каля 500 спартсменаў з 16 краін свету, у тым ліку і выхаванцы трэнера Міхаіла Пятровіча Кавалёва.

Шчучынскі баксёр Яўгеній Макей у фінале перамог сур’ёзнага саперніка з Польшчы і заваяваў “золата”. У рашаючым баі ў напружанай барацьбе шчучынец Сямён Ступакевіч саступіў саперніку з Чэхіі і заняў другое месца. Наш спартсмен Кірыл Куц таксама дастойна выступіў на рынгу і быў ўзнагароджаны бронзавым медалём.

Па выніках турніру зборная Беларусі стала лідарам па колькасці заваёваных медалёў, а лепшым сярод клубаў быў прызнаны «Chinuk», які і прадстаўлялі выхаванцы Міхаіла Пятровіча Кавалёва. Віншуем шчучынскіх баксёраў з высокімі спартыўнымі дасягненнямі! Цяпер іх ведае ўся Еўропа!

-- У спартыйных поспехах нашых баксёраў вялікая заслуга таксама трэнераў Сяргея Эдуардавіча Івановіча і Уладзіміра Барысавіча Шурупава, якія прывілі ім любоў да спорту і навучылі перамагаць, -- перакананы Міхаіл Кавалёў. – Яны працягваюць займацца з рабятамі і заўсёды падтрымліваюць іх на спаборніцтвах рознага ўзроўню. Асаблівыя словы падзякі хочацца выказаць старшыні райвыканкама Сяргею Васільевічу Ложэчніку і дырэктару ТАА “Праймілк” Анатолію Станіслававічу Бяляўскаму, якія дапамаглі сабраць неабходную суму на паездку ў Прагу на Кубак Еўропы па кікбоксінгу. Як бачыце, гэта было таго варта!

Аляксандр КАСПЯРЧУК.

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Fill in the blank.