Прадстаўнікі грамадскіх арганізацый і аб’яднанняў раёна ў рамках рэспубліканскай акцыі “Нашы дзеці” наведалі Васілішкаўскі дом-інтэрнат

Падарункі для хлопчыкаў і дзяўчынак прыгатавалі раённае аб’яднанне прафсаюзаў, РА ГА “Беларускі дзіцячы фонд”  і “Беларускі фонд міру”, раённы савет ветэранаў, раённая арганізацыя Беларускага саюза жанчын, райкама БРСМ, раённы савет піянерскай арганізацыі.

 

Дырэктар Васілішкаўскага дома-інтэрната Здзіслаў Іосіфавіч Янкевіч пазнаёміў гасцей з выхаванцамі, падзякаваў за сяброўскі візіт і прадаставіў слова старшыні Шчучынскага раённага аб’яднання прафсаюзаў Юрыю Тадэвушавічу Пашуку, які павіншаваў хлопчыкаў і дзяўчынак з надыходзячымі каляднымі і навагоднімі святамі, пажадаў, каб абавязкова збыліся ўсе іх мары і спадзяванні.

 

 

Дзеці з  задавальненнем чыталі вершы, расказвалі, як рыхтуюцца да свята і якіх цудаў чакаюць у Навагоддзе, бо прадстаўленне “Тры арэшкі для Папялушкі” абяцае столькі прыгод і сюрпрызаў! А потым усе разам – дарослыя і дзеці – кружылі ў карагодзе ля ёлкі, спявалі і танцавалі. Госці ўручылі рабятам салодкія падарункі, цацкі і школьныя прылады.

 

 

У гэтыя пераднавагоднія дні ў Васілішкаўскі дом-інтэрнат прыязджаюць спонсары і валанцёры не толькі з нашага раёна. Учора, да прыкладу, завіталі клерыкі Гродзенскай духоўнай семінарыі. Хлопчыкаў і дзяўчынак надзвычай радуюць такія сустрэчы. Сапраўды, не бывае чужых дзяцей, а нашы сэрцы адкрыты для дабрыні і міласэрнасці.

 

 

Таццяна СТУПАКЕВІЧ.

Фота аўтара.   

 
Подписывайтесь на нас в Яндекс.Дзен, Telegram и Viber!