На гарадскім стадыёне “Алімп” прайшоў фінал XI спартыўных гульняў працоўных

У рамках святкавання Дня незалежнасці на гарадскім стадыёне “Алімп” прайшоў фінал XI спартыўных гульняў працоўных. За перамогу спаборнічалі 9 каманд, якія прадстаўлялі розныя прадпрыемствы і арганізацыі Шчучыншчыны.
Вострае саперніцтва сярод мужчын адчувалася падчас падняцця гіры. У вагавой катэгорыі да 80 кг больш за ўсіх – 93 разы – падняў 24-кілаграмовую гіру Арцём Новік з РУП ЖКГ. Сярод цяжкавагавікоў мацнейшым прызнаны Аляксандр Трахімовіч з Шчучынскага масласырзавода: яго вынік – 100 падыманняў. 
З вялікім напружаннем і пры гарачай падтрымцы балельшчыкаў праходзілі спаборніцтвы па армрэслінгу. Сярод спартсменаў, вага якіх не перавышае 80 кг, не было роўных прадстаўніку завода “Аўтапровад” Андрэю Пацуку. У катэгорыі вагі вышэй за 80 кг пераможцам стаў Аляксей Тарскіх з Шчучынскага РЭС.

Па колькасці набраных ачкоў самай спартыўнай сям’ёй прызнана сям’я Богдан са Шчучына. Другое і трэццяе месцы занялі адпаведна сем’і Мядзведзевых і Арціш з райцэнтра.
Кульмінацыяй спаборніцтваў стала традыцыйнае перацягванне каната. У гэтым відзе не было роўных асілкам з РУП ЖКГ. Дарэчы, менавіта яны ў агульным заліку і сталі пераможцамі ХI спартыўных гульняў працоўных. Другое і трэццяе месцы занялі адпаведна каманды завода “Аўтапровад” і Шчучынскага РЭС. Прызёры былі адзначаны кубкамі, медалямі і дыпломамі. Заслужаныя ўзнагароды спартсменам уручыў старшыня старшыня раённага аб’яднання прафсаюзаў  Юрый Тадэвушавіч Пашук.
Аляксандр КАСПЯРЧУК.
Фота Сяргея КАСПЕРЧУКА.