МФК “Шчучын” прыняў удзел у міжнародным турніры па міні-футболе ў Беластоку

МФК “Шчучын” прыняў удзел у міжнародным турніры па міні-футболе ў Беластоку, прысвечаным 20-годдзю мясцовага футбольнага клуба “DTS Helios”. 
Першую сустрэчу шчучынскія футбалісты правялі з камандай “Alimentura WNS Malwee” (Лодзь), якую разграмілі з лікам 7:1. У другім матчы шчучынцы, на жаль, саступілі гаспадарам турніру “DTS Helios” з Беластока з лікам 3:0. Гульня з камандай “MMKS-Concordia” (Эльблонг) выдалася вельмі напружанай. У першым тайме нашы футбалісты прайгравалі з лікам 4:2, аднак пасля перапынку яны сабралі волю ў кулак і за апошнія 20 хвілін “закалацілі” 4 галы. Такім чынам, пасля фінальнага свістка лік на табло стаў 4:6 на карысць МФК “Шчучын”.
Па выніках праведзеных матчаў і колькасці набраных ачкоў пераможцай турніру стала беластоцкая каманда “DTS Helios”. Шчучынская футбольная дружына заняла другое месца.
Сярод бамбардзіраў самым трапным аказаўся ігрок зборнай гаспадароў Марцін Баравік, на рахунку якога 6 забітых галоў. За ім размясціліся шчучынцы Генрых Багдзевіч (4 галы), Ігар Астаповіч (3 галы) і Аляксей Свістоў (3 галы). Лепшым варатаром турніру прызнаны шчучынскі галкіпер Максім Цывінскі.

Аляксандр КАСПЯРЧУК.

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Fill in the blank.