Дзякуй за незалежнасць, салдаты Перамогі

Напярэдадні Дня Незалежнасці старшыня раённага Савета ветэранаў Эдмунд Станіслававіч Дзікевіч і старшыня раённай арганізацыі “Беларускі саюз жанчын” Святлана Уладзіміраўна Шанчук сумесна з піянерамі гарадскіх школ наведалі ўдзель­нікаў Вялікай Айчыннай вайны, каб падзякаваць салдатам Перамогі за свабоду і мірнае неба. 

Былы франтавы разведчык Мікалай Мікалаевіч Юр’еў быў рады гасцям. У свае 94 гады ён не разгубіў бадзёрасці і аптымізму, а перажытае ў вогненныя саракавыя памятае, нібы гэта было ўчора.
– У Дзень Незалежнасці я таксама адзначаю свой другі Дзень нараджэння, – прызнаецца Мікалай Мікалаевіч. – Менавіта 3 ліпеня 1944 года мяне ў складзе разведгрупы накіравалі ў тыл да немцаў, якія ў той час былі зажатыя ў “катле” пад Бабруйскам. Мы прабраліся ў стан ворага і сабралі падрабязную інфармацыю аб яго жывой сіле і тэхніцы. Аднак неўзабаве гітлераўцы пачалі адступленне і амаль не раскрылі нас. Я некалькі гадзін праляжаў у канаве ля дарогі, па якой рухалася нямецкая ваенная калона. Пасля лесам прабіваўся да сваіх, а вярнуўшыся ў строй – працягнуў барацьбу з фашыстамі. Перамогу сустрэў пад Кёнігсбергам.


Э.С. Дзікевіч і С.У. Шанчук ад усёй душы пажадалі ветэрану моцнага здароўя і ўручылі яму кветкі і каштоўныя падарункі. 
У той дзень Эдмунд Станіслававіч і Святлана Уладзіміраўна таксама заглянулі ў госці да ўдзельніц Вялікай Айчыннай вайны Кацярыны Аляксандраўна Сямёнавай і Веры Рыгораўны Маславай. 
– Дзякуй, што не забываеце пра нас, падтрымліваеце, дапамагаеце вырашаць бытавыя праблемы, – гаворыць В.Р. Маслава. – Сустрэнемся на святочным мітынгу, прысвечаным Дню Незалежнасці нашай роднай Беларусі!
Аляксандр КАСПЯРЧУК.

Фота аўтара.

Голосов пока нет

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)