Аўгустоўскі канал запрашае сваіх сяброў на яркае і каларытнае свята (+Праграма)

У бліжэйшую суботу, 27 мая, Аўгустоўскі канал зноў збірае сяброў – тут пройдзе адкрытае рэгіянальнае свята народнай творчасці. 

Пачнецца яно з традыцыйнага касцюміраванага шэсця калектываў аматарскай творчасці клубных устаноў Гродзенскага раёна, якія далей выступяць на адкрытай пляцоўцы побач са шлюзам Дамброўка. 

Гасцей свята запросяць на падворкі “Вандроўка ў мінулае”, “Чытай-дворык”, забаўляльную пляцоўку ці прапануюць паўдзельнічаць у майстар-класах па вырабу аб’ектаў народных промыслаў. 

Акрамя таго, жадаючыя змогуць пазнаёміцца з экспазіцыяй музея Аўгустоўскага канала ці з водным экскурсійным маршрутам. 
А падсілкавацца гасцям свята прапануюць на беразе, дзе ўвесь дзень будзе працаваць святочны гандаль. 

Безумоўна, той, хто хоць аднойчы пабываў на ім, пагадзіцца, што мерапрыемства каларытнае, яркае і эмацыйнае, таму рэкамендуем усім далучыцца да яго – не пашкадуеце! 

ПРАГРАМА 
правядзення адкрытага рэгіянальнага свята народнай творчасці “Аўгустоўскі канал запрашае сяброў”
 

13.00 – 13.20 

- касцюміраванае тэатралізаванае шэсце калектываў аматарскай творчасці клубных устаноў Гродзенскага раёна; 

13.20 – 14.00 

- урачыстае адкрыццё свята і канцэрт калектываў аматарскай творчасці клубных устаноў Гродзенскага раёна “Аўгустоўскі канал усіх вітае і  на свята запрашае”; 

14.00- 15.00 

- канцэрт заслужанага аматарскага калектыву Рэспублікі Беларусь ансамбля песні і танца “Ніва” ”Наша радасць у песнях гучыць”Верцялішкаўскага ЦК; 

14.00 – 15.00 

- агляд падворкаў “Вандроўка ў мінулае”; 

15.00 – 16.00 

- канцэрт вакальнага гурта ”Забава” Індурскага ЦК; 

- канцэрт вакальнага гурта “Запаветны бераг”Азёрскага ЦК; 

16.00 – 17.30 

- праца гульнёвай пляцоўкі “Парк забаў”; 

17.30 – 19.00 

-  танцавальна-забаўляльная праграма “У карагодзе сяброў”; 

13.00 – 17.00 

-  працуе святочны гандаль; 

-“Народная творчасць - крыніца натхнення”. Выстава-кірмаш вырабаў народнай творчасці; 

Фота з архiва БелТА 

-   майстар-класы па вырабу народных промыслаў аддзела этнаграфіі, фальклору і рамёстваў дзяржаўнай установы культуры “Гродзенскі раённы культурна-інфармацыйны цэнтр”; 

- “Вандроўка ў мінулае”. Арганізаваны падворкі клубных устаноў Гродзенскага раёна; 

-“Аўгустоўскі канал - жамчужына прынеманскага краю”- праца экскурсійнага маршрута; 

- праца Музея гісторыі Аўгустоўскага канала; 

-“Чытай-дворык” - мабільная выстава па творчасці майстроў Гродзенскага раёна. 

Служба навінаў "ГП".

Голосов пока нет

Добавить комментарий

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
Введите ответ (Fill in the blank)