57 работнікаў ДУА “Яслі-сад №4 г. Шчучына” далучыліся да "Белай Русі"

Днямі старшыня Шчучынскай раённай арганізацыі РГА “Белая Русь” Ю.Т. Пашук завітаў у гэту ўстанову з прыемнай місіяй – уручыць пасведчанне аб пастаноўцы на ўлік новай арганізацыйнай структуры.

 

Дарэчы, цяпер на Шчучыншчыне дзейнічаюць 57 пярвічак, у складзе якіх 1160 чалавек. Як адзначыў Юрый Тадэвушавіч, раённая арганізацыя “Белай Русі” зацікаўлена папоўніць свае рады ініцыятыўнымі людзьмі. 

 

– Мы ўзаемадзейнічаем з прафсаюзамі (Ю.Т. Пашук узначальвае таксама раённае аб’яднанне прафсаюзаў. – Заўв. аўтара), раённымі арганізацыямі БРСМ, Беларускага саюза жанчын, з ветэранскай суполкай і іншымі грамадскімі структурамі, стараемся развівацца і расці разам з імі, – падкрэсліў ён.

 

 

Кіраўнік РА РГА “Белая Русь” цёпла прывітаў усіх новых членаў грамадскай структуры, а таксама прынародна ўручыў членскія білеты і значкі загадчыцы ясляў-сада № 4 А.А. Федасеевай і выхавацелю І.І. Бекіш, якая абрана старшынёй маладой арганізацыі. 

 

Дарэчы, лідар пярвічкі Ірына Іванаўна Бекіш – чалавек з актыўнай жыццёвай пазіцыяй і талентам арганізатара. Гэта вельмі важна ў калектыве, які прыкладна год таму абнавіўся і імкнецца стаць адной дружнай сям’ёй.

 

– Нашаму калектыву, які працуе ў такім цудоўным дзіцячым садзе, аб’яднаў творчых, адказных, ініцыятыўных людзей, трэба быць у гушчыні грамадскага жыцця і адназначна першым, – лічыць Алена Аляксандраўна Федасеева. – Мяркую, нам будзе цікава працаваць разам з “Белай Руссю”, у арсенале якой шмат карысных спраў.

 

Таццяна ПАЛУБЯТКА.

Фота аўтара.

 
Подписывайтесь на нас в Telegram и Viber!